Assalamualaikum bhaiyo! Aaj ki Blog mein baat karne wale hain Nothing ke naye do products ke baare mein jo kal launch huay hain: Nothing Phone 3 aur Nothing Headphone 1
Dono hi products Nothing ki taraf se flagship category ke devices hain. Aur bhai ye kaafi badi baat hai kyunke Nothing ek aisa brand hai jo startup level se utha tha. Ab ek flagship level ka phone launch karna unke liye kaafi bada step hai. Lekin flagship segment mein competition bhi tight hota hai — yahan pe bade players aate hain aur kabhi kabhi har bhi jaate hain. Dekhna hoga kya Nothing is price range mein success hasil karta hai ya nahi.
Sabse pehle baat karte hain design ki — jo hamesha Nothing ki identity hoti hai. Jab maine Nothing Phone 3 dekha Bhai phone ka design kaafi ajeeb lagta hai pehli nazar mein — lagta hai kisi ne kisi normal phone ko mukka maar diya ho 😅
Lekin haan, ye phone jab aap use karenge to look-wise ye kisi bhi normal phone se totally different lagega. Aur logon ki nazar zarur jaayegi.
Ab aate hain hardware specifications ki taraf:
Iske andar Snapdragon 8s Gen 4 processor diya gaya hai. Ye kaafi powerful processor hai — lekin flagship price range mein log expect karte hain Snapdragon 8 Gen 3.
Display hai 6.4 inches ka LTPS panel — 30Hz se 120Hz tak refresh rate. Thoda ajeeb laga ke is price pe LTPO nahi mila.
Under-display fingerprint scanner bhi diya gaya hai.
Cameras ke agar baat karun to front mein 50MP ka selfie camera hai, aur rear side pe 3 cameras bhi 50MP ke hain:
50MP ultra-wide
50MP 3X periscope zoom (AI Zoom up to 60x)
50MP main sensor
Camera on-paper kaafi strong lagta hai — lekin real performance phone aane ke baad hi test karenge.
Battery aur build:
5500mAh ki battery hai
65W fast charging + wireless charging bhi support karta hai
Aluminum frame aur Corning Gorilla Glass 7i use hua hai (Not flagship level Gorilla Glass Victus)
Ab baat karte hain sabse unique feature ki:
Phone ke back pe ek matrix-style glyph display diya gaya hai. Purani retro screen style, lekin cool lagti hai.
Aap back se notification dekh sakte ho, stop watch chala sakte ho, Rock-Paper-Scissors bhi khel sakte ho 😄
Back side pe ek dedicated button bhi diya gaya hai jo aapko glyph display control karne mein help karega.
Lekin mujhe lagta hai agar display hi dikhana tha to always-on display front side pe hi daal dete. Pura back display banana thoda mixed decision hai.
Software aur updates: Nothing ne promise kiya hai ke 5 saal tak software updates milenge — Android 20 tak ka support milega jo ke kaafi badi baat hai. Aur yeh wo cheez hai jahan Nothing truly shine karta hai — custom software experience.
Ab baat karte hain Nothing ke naye Headphone 1 ki:
Design kaafi premium lagta hai
Audio tuned by “Cave” — jo ek high-end audio brand hai
Slider-based volume control
Joystick-style playback control
Proper ANC (Active Noise Cancellation) di gayi hai
80-hour battery backup without ANC
Lekin iska price tag ~1 lakh PKR tak jaa sakta hai, jo kaafi high-end category banata hai. Yeh dekhna hoga ke kya yeh justify karta hai ya nahi.
Final Thoughts: Dono products mujhe Dubai mein receive ho chuke hain — jaldi aapko unki unboxing aur in-dep
th reviews be milenge.
Yeh thi aaj ki tech update.
Allah Hafiz!"
https://mobilepknews.blogspot.com/2025/07/gaming-gadgets-pakistan-2025.html
0 Comments